«Әділет» ғылыми еңбектері журналының авторлар үшін жариялау ережелері
(жариялауға ұсынылатын мақалаларды рәсімдеуге қойылатын талаптар)
«ӘДІЛЕТ» ҒЫЛЫМИ ЕҢБЕКТЕРІ ЖУРНАЛЫНЫҢ АВТОРЛАРЫНА АРНАЛҒАН ЕРЕЖЕЛЕР
Журналдың редакциялық алқасы басылым мен оның авторларының алдында келесі мақсаттарды қояды: халықаралық деңгейде мойындалуға қол жеткізу, ҚР Ғылым және жоғары білім министрлігінің Білім және ғылым саласындағы сапаны қамтамасыз ету комитеті (ҚР БҒМ БҒССҚК) тізіміне, беделді ғылыми басылымдардың рейтингтеріне ену, әртүрлі дәйексөз алу индекстерінде (IMPACT-фактор, SCOPUS, Thomson Reuters және т.б.) жоғары көрсеткіштерге жету. Осыған байланысты мақалаларды рәсімдеуге жоғары талаптар қойылады.
Редакциялық алқа авторлардан «Әділет» ғылыми еңбектері журналында жариялануға ұсынылатын мақалаларды дайындау кезінде төмендегі ережелерді басшылыққа алуды сұрайды.
Журналда мақалаларды жариялау шарттары
Барлық құжаттар қағаз түрінде, электронды тасымалдағышта, пошта арқылы немесе тікелей бас редакторға ұсынылуы мүмкін.
Қолжазбамен жұмыс істеудің барлық кезеңдерінде және авторлармен байланыс жасау барысында редакция электрондық поштаны пайдаланады.
«Әділет» ғылыми еңбектері журналында қазақ, орыс және ағылшын тілдерінде бұрын жарияланбаған, заң ғылымы саласындағы өзекті мәселелерге арналған ғылыми, шолулық және талдамалық мақалалар қабылданады. Мақалаларда іргелі және қолданбалы зерттеулердің нәтижелері көрсетілуі тиіс.
Мақала үш тілдің бірінде – қазақ, орыс немесе ағылшын тілінде ұсынылады.
Магистранттардың мақалаларына ғылыми жетекшісінің пікір-рецензиясы қоса берілуі қажет (кадрлар бөлімінің мөрімен расталған). Рецензия қазақ немесе орыс тілінде жазылады. Автор сонымен қатар өз мақаласына тәуелсіз сарапшының рецензиясын қосымша ұсына алады.
Мақала мұқият редакциялануы тиіс. Автор мәтіннің айқындығына, ғылыми стильдің нақтылығы мен қысқалығына, материалдың мазмұндық жүйелілігіне ерекше назар аударуы қажет.
Автор мақаланың бірінші данасына өз қолын қойып, мәтіннің (дәйексөздер, сандар, ескертпелердің) тексерілгенін және түпнұсқамен салыстырылғанын көрсетуі тиіс. Мақалада келтірілген деректердің шынайылығы мен нақтылығына автордың өзі жауап береді.
Қолжазбаны журналға тапсырар алдында автор орфографиялық және грамматикалық қателердің, сондай-ақ құқықтық терминдердің дұрыс жазылғанын тексеруі керек.
Мақала талаптарға сай келмеген жағдайда, редакциялық алқа оны қабылдамауға құқылы.
Мақаланы рәсімдеуге қойылатын талаптар
Мақаланың жалпы көлемі (әдебиеттер тізімімен, кестелермен, суреттермен, аннотациялармен бірге) 10 беттен аспауы және кемінде 5 бет болуы тиіс.
Редакцияға мақаланың электрондық нұсқасы баспа нұсқасымен толық сәйкестікте ұсынылады.
Беттер нөмірленуі тиіс.
Мақалада УДК (әмбебап ондық классификатор) индексі көрсетіледі.
Мақала басында автордың аты-жөні, қызметі немесе жұмыс (оқу) орны, мақаланың атауы көрсетіледі.
Аннотация (аңдатпа, annotation) автордың аты-жөні мен мақаланың атауынан кейін қазақ, орыс және ағылшын тілдерінде беріледі. Әр аңдатпа алдында автордың толық аты-жөні және мақаланың атауы сол тілде көрсетіледі.
Аннотацияның соңында түйінді сөздер (keywords) қазақ, орыс және ағылшын тілдерінде жазылады.
Аннотация – ғылыми жұмыстың қысқаша мазмұнын, оның тақырыбы мен құрылымын сипаттайтын ақпараттық анықтама болып табылады.
Аннотацияның көлемі 300–500 сөзден аспауы тиіс. Оның құрылымы міндетті түрде мына бөлімдерді қамтиды:
зерттеу тақырыбы туралы кіріспе сөз;
зерттеудің мақсаты, негізгі бағыттары мен идеялары;
жұмыстың ғылыми және практикалық маңыздылығының қысқаша сипаттамасы;
зерттеу әдістемесінің қысқаша сипаттамасы;
зерттеу нәтижелері мен қорытындыларының мазмұнды талдауы;
зерттеудің қосқан үлесі мен құндылығы;
жұмыстың практикалық мәні.
Конференция есептері, рецензиялар және ақпараттық сипаттағы материалдарға аннотация талап етілмейді.
Түйінді сөздер мақаланың мазмұнын барынша ашуға мүмкіндік беруі тиіс. Әр материалға 7–8 түйінді сөз (keywords) беріледі, олардың маңыздылығы бойынша реттелуі қажет (ең маңыздысы бірінші көрсетіледі).
Авторлар туралы мәліметтер, мақаланың атауы, аннотация және түйінді сөздер мақаланың жазылған тілінде және қосымша қазақ/орыс және ағылшын тілдерінде беріледі.
Авторлар туралы ақпаратта міндетті түрде қызметі, негізгі жұмыс орны, ғылыми дәрежесі, ғылыми атағы және электронды поштасы (e-mail) көрсетіледі.
Мәтін Word бағдарламасында теріледі, электрондық нұсқа CD, басқа тасымалдағышта немесе электронды пошта арқылы (akalimbekova@mail.ru) жіберіледі (жұмыс телефоны: +8 (727) 323 10 09 – ішкі 215).
Қаріп — Times New Roman, қағаз форматы — A4 (210×297 мм), кегль — 12 пт, жоларалық интервал — 1, мәтін ені бойынша тураланады, абзац шегінісі — 0,8 см, барлық өрістер — 2 см.
Кестелерде, суреттерде және формулада белгілеулер мен шартты белгілердің сәйкессіздігі болмауы тиіс. Суреттер айқын және сапалы болуы қажет. Мәтін ішінде барлық сурет пен кестеге сілтемелер берілуі тиіс.
Мақалада формулалар саны барынша аз болуы ұсынылады. Формулалар арнайы редакторда теріледі. Кестелерде атау болуы және бос бағандар болмауы керек. Қолданылған қысқартулар мен шартты белгілер ескертпелерде түсіндіріледі.
Суреттер мен иллюстрациялар мына форматтарда қабылданады: TIFF немесе JPEG (қара-ақ және түрлі түсті үшін 300 dpi), графиктер мен диаграммалар XLS, CDR форматында.
Суреттің астында немесе артында автордың тегі, мақаланың атауы және сурет нөмірі көрсетіледі. Иллюстрациялар мәтін ішінде орналасуы мүмкін, бірақ беттеу кезінде қолдануға арналған бөлек файлдар түрінде де қоса беріледі.
Сурет астындағы жазулар мақала соңында жеке тізім түрінде беріледі.
Пайдаланылған әдебиеттер тізімі және транслитерация ережелері
Пайдаланылған әдебиеттер тізімі 20-дан аспауы тиіс және ГОСТ 7.1–2003 «Библиографическая запись. Библиографическое описание. Общие требования и правила составления» стандартына сәйкес рәсімделеді.
Мақала мәтінінде дереккөздерге сілтемелер тек шаршы жақшамен беріледі ([12]), авторлық мәтінді тікелей немесе жанама түрде дәйектеу кезінде [12, с. 29] көрсетіледі.
Дереккөздерге нөмірлеу мәтінде пайда болу ретімен жүргізіледі. Архивтік материалдар тізімге кірмейді, оларға сілтемелер дөңгелек жақшада көрсетіледі.
Электрондық ресурстардан немесе қашықтан қолжетімді интернет дереккөздерін пайдаланған жағдайда библиографиялық жазба мен толық URL мекенжай көрсетілуі қажет. Қолданылған күнін көрсету ұсынылады.
Мысалдар (библиографиялық деректер шартты):
Кітаптарға:
Автордың тегі мен инициалы. Атауы. — Басылым реті туралы мәлімет. — Басып шығару орны: Баспахана, Жылы. — Беттер саны.
Мысалы:
Басин Ю.Г. Избранные труды по гражданскому праву. — 3-е изд. — СПб.: 2003. — 294 с.
Журнал мақалаларына:
Автордың тегі мен инициалы. Мақаланың атауы // Журнал атауы (Серия). — Жылы. — Том. — №. — Беттер.
Мысалы:
Брызгалов А.И. О некоторых теоретико-методологических проблемах юридической науки на современном этапе // Государство и право. — 2004. — №4. — С. 17–22.
Конференция материалдары мен жинақтарға:
Автордың тегі мен инициалы. Мақаланың атауы // Басылым атауы: Басылым түрі. — Орны, жылы. — Том. — №. — Беттер.
Мысалы:
Диденко А. Гражданское право как источник формирования правовой действительности // VI Гражданское законодательство: Статьи. Комментарии. Практика. – Вып.40 / Под ред. А.Г. Диденко. – Алматы: Раритет, 2015. — С. 4-24.
References (транслитерация)
Мақаладағы әдебиеттер тізімі сонымен қатар латын алфавитінде де (References) беріледі.
Автор фамилияларды, инициаларды, мақаланың (шолу, рецензия) атауын, пайдаланылған дереккөздерді ағылшын тіліне транслитерациялап, мақаланың соңында орналастыруы қажет.
Транслитерация жасауға арналған бағдарламалар:
http://translit.ru, http://www.russki—mat.net/trans2.html
Мысал:
Didenko A. Grazhdanskoye pravo kak istochnik formirovaniya pravovoy deystvitelnosti // VI Grazhdanskoye zakonodatelstvo: Statyi. Kommentarii. Praktika. – Vyp.40 / Pod red. A.G. Didenko. – Almaty: Raritet, 2015. — S. 4-24.
Редакциялық алқа авторларға өз жұмыстарының тақырыбы бойынша университет ғалымдарының еңбектерімен танысып, журналдағы жарияланымдарға және жаһандық дәйексөз индекстеріндегі (Scopus, Web of Science, Thomson Reuters) мақалаларға сілтеме жасауды ұсынады.
Авторлар туралы мәліметтер
Қолжазбаға келесі құжаттар қоса беріледі:
Әрбір автор туралы анықтама: фамилиясы, есімі, әкесінің аты; ғылыми дәреже; ғылыми атақ; негізгі жұмыс орны; қызметі; үй, жұмыс немесе ұялы телефондары; электрондық және пошта мекенжайлары (редакциямен байланыс үшін);
Қандай авторға бас редактордың сұрақтары және түзетулер жіберілетіні туралы ақпарат.
Мақалалар тек жариялау талаптарына толық сәйкес келсе және барлық қоса берілген құжаттары болса қарауға қабылданады.
Редакцияға түскен барлық мақалалар рецензиядан өтеді. Қажет болған жағдайда мақала авторға қайта қарауға жіберілуі мүмкін. Мақаланың түпкі нұсқасы редакцияға түскен күн – мақала түсу күні болып есептеледі. Редакция мәтінде мәнін бұзбайтын редакциялық түзетулер енгізуге құқылы.
Мақалалар түсу ретімен жарияланады. Ағымдағы санға материалдарды таңдау редакциялық жоспарларға сәйкес жүргізіледі.
Мақаланы рәсімдеудің сызбасы мысалы
ӘОЖ
Ортасында:
Авторлардың тегі, аты, әкесінің аты (мысалы: Иванов Иван Иванович1, Крылов Петр Петрович2)
Автордың толық мекемесі (ел мен қаласын көрсетуімен), ғылыми дәреже және қызметі. Егер авторлар әртүрлі мекемелерден болса, автор мен мекеме арасындағы сәйкестік жоғарғы индекстер арқылы көрсетіледі:
Иванов Иван Иванович 1, Крылов Петр Петрович 2
Каспийский общественный университет, к.ю.н., ассоциированный профессор Высшей школы права «Әділет», Казахстан, г. Алматы1
Институт экономики и права, д.ю.н., Казахстан, г. Алматы2
Мақаланың атауы (қою қаріппен)
Аннотация
Ключевые слова
Мақала мәтіні
Пайдаланылған әдебиеттер тізімі
References (транслитерация)
Мақаланың соңында қалған екі тілге аудармасы: авторлардың аты-жөні, мақала атауы, резюме (қаріп мөлшері негізгі мәтіннен 2 кегль кіші)
Бөлек беттерде иллюстрациялар (суреттер, диаграммалар, кестелер) және олардың жазулары
Авторлар туралы мәліметтер